ព្រះមហាក្សត្រជាទីសក្ការរបស់ថៃ ព្រះចៅ ភូមិបុល អាឌុលយ៉ាដេ កាលពីថ្ងៃព្រហស្បត៍បានស្នើសុំប្រជាជាតិរបស់ទ្រង់ធ្វើការរួមគ្នាដើម្បី”ស្ថិរភាព”។ព្រះអង្គបានមានឱង្ការដូច្នេះក្នុងពិធីចំរើនព្រះជន្ម៨៦វស្សារបស់ទ្រង់ក្នុងអំឡុងពេលពួកបាតុករប្រឆាំងបានផ្អាកការតវ៉ាហិង្សារបស់គេនៅក្រុងបាងកកមុនចាប់ផ្តើមឡើងវិញនៅថ្ងៃស្អែក។ក្នុងពិធីដែលមានការចូលរួមពីនាយករដ្ឋមន្ត្រីយីងឡាក់ ស៊ីណាវ៉ាត្រា ព្រះមហាក្សត្រដែលប្រជាជនថៃចាត់ទុកដូចជាព្រះ បានមានឱង្ការថា ប្រទេសជាតិមានសន្តិភាពពីព្រោះ”គ្រប់គ្នាធ្វើការរួមគ្នា” ។
ព្រះអង្គបានបន្តទៀតថា”ប្រជាជនថៃគ្រប់រូបគួរយល់ដឹងរឿងនេះនិងគួរបំពេញភារកិច្ចរបស់គេដើម្បីផលប្រយោជន៍ប្រទេស គឺស្ថិរភាពនិងសន្តិសុខសំរាប់ប្រទេស”៕
