ប្រភពពីមន្ត្រីអង្គការក្រៅរដ្ឋាភិបាល  និងប្រជាពលរដ្ឋក្នុងស្រុកវាលវែង  ខេត្តពោធិ៍សាត់ បានឲ្យដឹងថា  បច្ចុប្បន្ននេះ  ចែផល្លី ជាឈ្មួញ ចាំប្រមូលទិញ ឈើនៅក្នុងស្រុកវាលវែង  ទុកលក់ ឲ្យឈ្មួញ២នាក់ទៀត គឺឈ្មួញឈ្មោះ ស ជាកូន មន្ត្រីអាវុធហត្ថ ខេត្តកំពង់ស្ពឺ និងឈ្មួញ ឈ្មោះ ខ្នា មកពីខេត្តកំពង់ស្ពឺ  ដែលមានខ្នងបង្អែករឹងមាំ ។ ការបង្ក្រាបបទល្មើសព្រៃឈើ របស់សមត្ថ កិច្ច អាវុធហត្ថជាបន្តបន្ទាប់ កន្លងទៅនេះ ត្រូវប្រជាពលរដ្ឋរិះគន់ ថាពុំមានប្រសិទ្ធភាពទេព្រោះ  គេបង្ក្រាបតែឈើ ហើយ ឈ្មួញ ម្ចាស់ឈើនៅតែអាច គេចផុតពីសំណាញ់ច្បាប់  ដដែល។  ជាក់ស្តែងនៅក្នុងស្រុកវាលវែង  ខេត្តពោធិ៍សាត់ ស មត្ថកិច្ចអាវុធហត្ថបង្ក្រាប បទល្មើសព្រៃឈើ ច្រើនលើកមកហើយប៉ុន្តែជាក់ស្តែងឈ្មួញឈ្មោះ  ស និងឈ្មោះ ខ្នា  នៅតែ អាច ដឹកជញ្ជូនឈើពីស្រុកវាលវែង ចូលខេត្តកំពង់ស្ពឺ ហើយដឹកចេញទៅស្រុកយួនតាមច្រក ព្រំដែនព្រែកចាក និងច្រកតន់ហន់ ស្រយកកំពង់ត្រាច ខេត្តកំពត យ៉ាងរលូន។

រថយន្តដឹកឈើចេញពីស្រុកវាលវែង ខេត្តពោធិ៍សាត់ ចូលមកស្រុកឱរ៉ាល់និងស្រុក ភ្នំស្រួច ខេត្តកំពង់ស្ពឺ ត្រូវបានសមត្ថកិច្ច ចម្រុះឬ សមត្ថកិច្ចអាវុធហត្ថចាត់វិធានការបង្ក្រាប ជាបន្តបន្ទាប់ ក៏ប៉ុន្តែឈ្មួញម្ចាស់ឈើ មិនត្រូវបានសមត្ថកិច្ចឃាត់ ខ្លួនយក ទៅចាត់ការតាមច្បាប់ នោះទេ។ ហេតុនេះហើយទើបសកម្មភាពដឹកជញ្ជូនឈើចេញពីខេត្តពោធិ៍សាត់ ចូលខេត្តកំ ពង់ស្ពឺ នៅតែបន្តកើតមានឥតឈប់ឈរ ជាពិសេសឈ្មួញឈើម្នាក់ឈ្មោះ ចែផល្លី ល្បីល្បាញ ខាងដឹកជញ្ជូនឈើ ខុសច្បាប់ ប្រ មាណ ជាង១០ឆ្នាំមកហើយមិនដែលមានមន្ត្រីជំនាញឬសមត្ថកិច្ចពាក់ព័ន្ធណាចាត់វិធានការបង្ក្រាបឡើយ។ ចំណែកឈ្មួញឈើឈ្មោះ ស និងឈ្មោះ ខ្នា ក៏នៅតែធ្វើសកម្មភាព ដឹក ជញ្ជូន ឈើខុសច្បាប់យ៉ាង គឃ្លើនដែរដោយសារ មានការ ឃុបឃិតពីមន្ត្រីរដ្ឋបាល ព្រៃឈើ មន្ត្រីបរិស្ថាន និងសមត្ថកិច្ចពាក់ព័ន្ធជាច្រើនស្ថាប័នទៀត។

កាលពីយប់ថ្ងៃទី០៩ ខែមីនា ឆ្នាំ២០១៧ កម្លាំងអាវុធហត្ថខេត្តពោធិ៍សាត់ និងកម្លាំងអា វុធហត្ថស្រុកវាលវែងប្រមាណ១៨នាក់ ស្ទាក់ចាប់បានរថយន្តប្រភេទយីឌុប ភ្លៅ៥ចំនួន១ គ្រឿងនិងឡោមព័ទ្ធទីតាំងស្តុកឈើរបស់ឈ្មោះ ហេង ផល្លី នៅ ក្នុងភូមិ ស្ទឹង ថ្មី ឃុំប្រមោយ ស្រុកវាលវែង ខេត្តពោធិ៍សាត់ហើយបានរកឃើញគំនរឈើជាច្រើនម៉ែត្រគូប។ ប្រជាពលរដ្ឋ ក្នុង ឃុំ ប្រមោយ បាន ឲ្យដឹងថាឈ្មួញឈើឈ្មោះ ចែផល្លី គឺជាឈ្មួញដឹកជញ្ជូនឈើឡើងដុះស្លែ នៅក្នុងស្រុកវាលវែង ខេត្ តពោធិ៍សាត់ ហើយកន្លងមកមន្ត្រីជំនាញនិងសមត្ថកិច្ចពាក់ព័ន្ធទុក ឲ្យឈ្មួញម្នាក់នេះធ្វើអ្វីៗតាមអំពើចិត្ត។ បញ្ហានេះលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ គួរពិនិត្យឡើង វិញខ្លះផងព្រោះ មេរដ្ឋបាលព្រៃឈើ ក្នុង ខេត្ត ពោធិ៍ សាត់ និង ខេត្តកំពង់ស្ពឺ មិនយកចិត្តទុកដាក់បង្ក្រាបបទល្មើសព្រៃឈើនោះឡើយ៕