ប្រភពពីប្រជាពលរដ្ឋ បានឲ្យដឹងថា មួយរយះចុងក្រោយនេះ លោក អាន អង្គារ៉ា ដែលបណ្តោយឲ្យរថយន្ត ទំនើបៗចូលមក ដូចជា រថយន្ត ប៉ាឡែន រថយន្តហាយលែនឌើ ចូលដោយអត់បង់ពន្ធតាម ច្រកអន្តរជាតិអូរយ៉ាដាវ ខណដែលរថយន្តទាំងនោះត្រូវ ក្រុមឈ្មួញ យកទៅធ្វើអាជីវកម្មដឹក ជញ្ជូនឈើ ខុស ច្បាប់យ៉ាងអាណាធិបតេយ្យ ពាសពេញខេត្តរនគិរីដោយមិនញ ញើតច្បាប់បន្តិចសោះ ឡើយ។
ប្រភពខាងលើបានបញ្ជាក់ ទៀតថា មេគយច្រកទ្វារអន្តរជាតិអូរ យ៉ាដាវលោក អាន អង្គារ៉ា អាចប្រឈមបទល្មើស ធំៗ ចំនួន២ប្រសិនបើមា នការស៊ើបអង្កេត ពីស្ថាប័នជំនាញពាក់ព័ន្ធ សំខាន់អង្គភាពប្រឆាំងអំពើពុក រលួយ ( ACU )ជាដើម ។ ប្រឈមបទល្មើសទី១ គឺការឃុបឃិតឲ្យមានការនាំចូលរថយន្តទំនើបៗ គេចពន្ធមក កម្ពុជាម៉ាសេរី ។ ទី២ គឺរថយន្តទាំងនោះត្រូវគេយកមកដឹកឈើខុសច្បាប់និងបំផ្លាញព្រៃឈើនៅកម្ពុជាយកទៅលក់ស្រុកយួនយ៉ាងអាណាធិបតេយ្យ ។
ប្រភពដដែលឲ្យដឹងថា រថយន្តទំនើបៗ ទាំងនោះត្រូវបានឈ្មួញឃុបឃិតជាមួយមន្ត្រីគយ នាំចូលគេចពន្ធក្នុងតម្លៃទាបបំផុត ដោយមួយគ្រឿងតម្លៃតែ ៥០០០ដុល្លារ ទៅ៦៥០០ដុល្លារ ប៉ុណ្ណោះ? ។ ខណដែលមកដល់ពេលនេះរថយន្តគេចពន្ធទាំងនោះកំពុងចរាចរណ៍លើផ្លូវក្នុងរបរដឹកជញ្ជូន ឈើខុសច្បាប់ចេញតាមច្រកអូរយ៉ាដាវ ទៅប្រទេសយួនគឺមានមិនតិចជាង១០០គ្រឿង នោះទេ ។
មន្ត្រីរាជការ និងប្រជាពលរដ្ឋបានអះអាងថា រថយន្តគេចពន្ធទាំងអស់នោះត្រូវបានគេប្រើ ប្រាស់លេខក្លែងក្លាយពី៥ទៅ៦ស្លាកលេខក្នុងមួយគ្រឿងៗ ព្រោះថា ការប្រើប្រាស់លេខច្រើនដូច្នេះ ដើម្បីបន្លំភ្នែកប្រជាពលរដ្ឋ និងសមត្ថកិច្ចរួមទាំងអ្នកសារព័ត៌មាន ។ ទន្ទឹមនោះក្រុមរថយន្តគេច ពន្ធទាំងអស់នោះត្រូវតែរថយន្តដឹកជញ្ជូនឈើល្មើសច្បាប់ដាច់ខាត បើពុំមានការដឹកជញ្ជូនឈើ ហើយយកលុយទៅបង់ឲ្យសមត្ថកិច្ចច្រកទ្វារអូយ៉ាដាវ សំខាន់បង់ឲ្យលោក អាន អង្គារ៉ា តែម្តង។
តាមមន្ត្រីរាជការ និងប្រជាពលរដ្ឋបានឲ្យដឹងថា ច្រកទ្វារអន្តរជាតិអូរយ៉ាងដាវ កំពុងក្លាយ ជាច្រកទ្វារគេចពន្ធរថយន្តទំនើបៗ និងនាំចេញឈើខុសច្បាប់យ៉ាងសកម្មនិងពុំមានការលាក់លៀមនោះទេ ខណដែលសមត្ថកិច្ចប្រចាំច្រក នេះឈរចាំរាប់តែក្បាលឡានយកលុយចែកគ្នាតាមរបបកំណត់រៀងៗខ្លួនតែប៉ុណ្ណោះ ។ ចំណែកលើទឹកដីវៀតណាមគឺឈ្មួញឈើ បានត្រៀមខ្លួនជាស្រេច ដើម្បីទិញឈើខុសច្បាប់នាំចេញពីកម្ពុជាដែលសកម្មភាពមិនខុសពីផ្សារ លក់ត្រីនោះឡើយ ។
សព្វថ្ងៃនេះឈ្មួញឈើធំៗ ប្រចាំខេត្តរតនរីគីបានប្តូររូបភាពពីការ រកស៊ីដឹកជញ្ជូនឈើខុសច្បាប់តាមរថយន្តធំៗ ដូចជាយីឌុបមកដឹកតាមរថយន្តទំនើបៗ តូចៗ វិញហើយ ហើយការប្រើរូបភាពនោះគឺដើម្បី បំភាន់ភ្នែកសាធារណជន និងងាយស្រួលរត់គេចឬត្រូវខាតបង់តិចប្រសិនបើមានការបង្ក្រាបពីសមត្ថកិច្ចម្តងម្កាលក្នុងពលដែលសមត្ថកិច្ចមានអារម្មណ៍មិនសូវល្អឬទទួលបានព័ត៌មានថា មានថ្នាក់លើចុះទៅតំបន់នោះ ។
ប្រជាពលរដ្ឋរស់នៅខេត្តរតនគីរីទទូចដល់ថ្នាក់ដឹកនាំ សំខាន់ជាពិសេសប្រមុខរាជរដ្ឋាភិបាលសម្តេច ហ៊ុន សែន មេត្តាចាត់វិធានការជាបន្ទាន់លើក្រុមមន្ត្រីពុករលួយជាប្រព័ន្ធខាងលើកំពង់បន្តកាប់បំផ្លាញព្រៃឈើនិងដឹកជញ្ជូនឈើខុសច្បាប់ទៅលក់ស្រុកយួន ដោយមិនញញើតនិ ងអង្អភាព ប្រឆាំងអំពើពុករលួយ ឡើយ ៕(បឋម)
