ព្រះសីហនុ៖ សម័យ ប៉ែន ស៊ីម៉ន ជាអគ្គនាយក ដុះស្លែ ដែលល្បីឈ្មោះខ្លាំងជាងគេ គឺល្បីទាំងស្រុកខ្មែរ រហូតទៅដល់បរទេស ខាងផ្នែកប្រព្រិត្ត អំពើពុករលួយ ស៊ីរូងផ្ទៃក្នុងយ៉ាងជ្រៅ… ធ្វើឲ្យពួកគេ (មន្ត្រីគយមួយក្ដាប់តូច) មានទ្រព្យសម្បត្តិ ស្ដុកស្ដម្ភមហាសាល ក្នុងពេលដែលប្រទេស និងប្រជារាស្ត្រខ្មែរភាគច្រើន នៅតែស្ថិតក្រោមបន្ទាត់ នៃភាពក្រីក្រដដែល… ដែលរដ្ឋាភិបាល ដឹកនាំដោយ សម្ដេចតេជោ ហ៊ុន សែន បានខ្ចី និងកំពុងបន្តខ្ចីលុយ ពីបរទេសរាប់រយ រាប់ពាន់លានដុល្លារ ក្នុង១ឆ្នាំៗ ឬពីមួយអណត្តិ ទៅមួយអណត្តិ ឥតមានឈប់ឈរ ដើម្បីយកមកកសាងជាតិ… ។ អំពើពុករលួយនោះ វាផ្ដើមឡើងពី ឬកើតចេញពី ការដឹកនាំតាមបែប បក្ខពួកនិយម ក្រុមគ្រួសារនិយម និងការិយាធិបតេយ្យនិយម ជាច្រើនឆ្នាំមកហើយ ដូចជាការតែងតាំង មន្ត្រីៗគយឲ្យនៅកន្លែងខ្លាញ់ ឬឲ្យធ្វើការងារសំខាន់ៗ ដដែលៗតាមរបៀប ចែកគ្នាស៊ីវិលជុំ តែបក្ខពួកខ្លួនឯង បងប្អូនកូនក្មួយខ្លួនឯង ឬក្រុមគ្រួសារសាច់ញ្ញាតិខ្លួនឯង ជាដើម ។ជាក់ស្ដែង ក្រោយពីលោក ប៉ែន ស៊ីម៉ន បានឡើងមកធ្វើជា មេគយម៉ាស្រុកខ្មែរភ្លាម គាត់ (ប៉ែន ស៊ីម៉ន) បានយកប្អូនប្រុស បង្កើតរបស់ខ្លួនឈ្មោះ ប៉ែន សំអាត និង ប៉ែន សារ៉ាត់… ឲ្យឡើងមកធ្វើជាមន្ត្រីគយ បានកាន់ការងារកន្លែងខ្លាញ់ មានទ្រព្យសម្បត្តិស្ដុកស្ដម្ភ មហាសាលដូចគាត់ជាបង (ប៉ែន ស៊ីម៉ន) យ៉ាងសង្ហាអស់ទាស់ដែរ ។ មិនតែប៉ុណ្ណោះ មានមន្ត្រីៗគយថ្នាក់អន្ទ្រើស មួយចំនួនផ្សេងៗទៀត ក៍ធ្វើដូចគ្នានេះដែរ គឺយកបងប្អូនកូនក្មួយ ឬបក្ខពួកខ្លួន ឲ្យចូលធ្វើមន្ត្រីគយ កាន់ការងារសំខាន់ៗ ស្ទើរនៅគ្រប់ប៉ុស្តិខ្លាញ់ៗទាំងអស់ តាមយុទ្ធសាស្ត្រ «ឆ្លៀតឱកាសចែកគ្នា រកប្រយោជន៍ផ្ទាល់ខ្លួន និងបក្ខពួក ទៅតាមខ្សែ ឬតាមជំនាន់» ទាន់អាចនៅធ្វើបាន…។ឧទាហរណ៍ច្បោលៗមួយដូចជា សូម្បីតែករណីលោក គិន លី តែម្នាក់គត់ (ដែលត្រូវជាខ្សែរបស់មេគយធំដុះស្លែ ប៉ែន ស៊ីម៉ន – ប៉ែន សំអាត និង ប៉ែន សារ៉ាត់ ជាបងប្អូនបង្កើតនោះ) ទោះបីគាត់ (គីន លី) ធ្លាប់មានទោសពៃរិ៍ ប្រព្រិត្តអំពើខុសច្បាប់ យ៉ាងធ្ងន់ធ្ងរក៍ដោយ ក៍គាត់ (គីន លី) នៅតែត្រូវបានលោក ប៉ែន ស៊ីម៉ន ជួយកាងដោះស្រាយបញ្ហា ឲ្យបានរួចផុតពីទោសពៃរិ៍… ហើយបានតែងតាំង ឲ្យបន្តធ្វើជាមេគយ បានកាន់កាប់ការងារ កន្លែងខ្លាញ់ៗរងើម ដូចមុនដដែលតែម្ដង ។ ត្រង់នេះគេសួរថា តើមានមន្ត្រីៗគយប៉ុន្មាននាក់ ដែលអាចធ្វើដូចលោក គិន លី បានដែរទៅ?គួររម្លឹកត្រួសៗថា កន្លងមកលោក គិន លី គាត់ធ្លាប់មានឈ្មោះ ល្បីល្បាញយ៉ាងខ្លាំង ក្នុងរឿងប្រព្រិត្តអំពើពុករលួយ ខណៈដែលគាត់ កាន់កាប់តួនាទីជា ប្រធានទីស្នាក់ការគយ ប្រចាំនៅខេត្តព្រះសីហនុ កាលពីអណត្តីទី៣ ។ ក្រោយមក សមត្ថកិច្ចប៉ូលិស បាននាំគ្នាទៅចាប់ខ្លួនគាត់ (គិន លី) យកមកពីខេត្តព្រះសីហនុ ដាក់រថយន្តដឹកមកកាន់ រាជធានីភ្នំពេញ ដោយសង្ស័យថា គាត់ (មេគយ គិន លី) ជាប់ពាក់ព័ន្ធនឹង ការអនុញ្ញាតិឲ្យគេ ដឹកទំនិញខុសច្បាប់ (ទំនិញដែលមិនអាច អត់ឱនឲ្យបាន) ចេញពីកំពង់ផែ ខេត្តព្រះសីហនុ នៃប្រទសកម្ពុជា តាមរយៈកប៉ាល់ ទៅកាន់ប្រទេសទី៣ ដែលត្រូវមន្ត្រីគយ នៅបរទេសចាប់បាន នៅកំពង់ផែប្រទេសរបស់គេ ។
ប្រភពព័ត៌មាន បានប្រាប់ឲ្យដឹងទៀតថា លោក គិន លី ក៍ត្រូវប៉ាន់មិនតិចដែរ នឹងការអនុញ្ញាត ឲ្យពួកឈ្មួញខ្លះ បាននាំចេញទៅលក់ នៅក្រៅប្រទេស ទាំងកុងទីន័រៗ នូវទំនិញបាតឃ្លាំងអន់ៗ… ដែលពួកគេប្រមូលទិញ ពីរោងចក្រមួយចំនួននៅកម្ពុជា ។ បន្ថែមពីលើនេះ នៅមានទំនិញ មានតម្លៃជាច្រើនទៀត ដែលត្រូវបានឈ្មួញ នាំចូលពីបរទេសមកកម្ពុជា ទាំងកុងទីន័រៗដែរ… តែងមានឈ្មួញខ្លះ លួចដាក់បង្កប់ នៅខាងក្នុងនូវ ទំនិញគេចពន្ធ មិនដែលខានទេ… ដែលចំណុចនេះ ក៍បាននិងកំពុង ធ្វើឲ្យលោក គិន លី ជាប្រធានសាខាគយ ប្រចាំកំពង់ផែ អន្ដរជាតិ ខេត្ដព្រះសីហនុ អាចរកចំណូលផ្ទាល់ខ្លួន បានមិនតិចឡើយ ក្នុង១ថ្ងៃៗ ឬ១ខែៗ ឬ១ឆ្នាំៗ និង១អណត្តិៗនោះ ។
