បទល្មើសដែលកើតមាន នៅក្នុងខេត្តកណ្តាលមានដូចជាឆក់ដុំក្តៅ ឆក់ដុំត្រជាក់ អូសយ៉ាំងកាវ អូសមង ដាក់ដាយតាមព្រែកនិង ឡុកស្បៃមុង ដែលអ្នកប្រព្រឹត្ត ទាំងនោះមានជំនាញច្បាស់លាស់ ហើយក៏មិនខ្វល់ខ្វាយពីផលប៉ះ ពាល់ដល់បរិស្ថាន និងពូជត្រី ឡើយ។ ប្រភពដដែលបានបន្តថា ក្រុមជនល្មើសកំពុងធ្វើសកម្មភាពទាំងថ្ងៃទាំងយប់នៅក្នុងដែនសមត្ថកិច្ចស្រុកកៀនស្វាយ ស្រុកល្វាឯម ស្រុកខ្សាច់កណ្តាល ស្រុកមុខកំពូល ស្រុកពញាឮ ស្រុកស្អាង ស្រុកកោះធំ និងស្រុកលើកដែក ខេត្តកណ្តាល។
ប្រជាពលរដ្ឋរស់នៅក្បែរតំបន់នេសាទនានាក្នុងខេត្តកណ្តាល បានបញ្ជាក់នៅចុងសប្តាហ៍នេះថា បទល្មើសនេសាទនៅតែកើតមានពេញបន្ទុកដដែល ខណៈការទប់ស្កាត់ និងការបង្ក្រាបរបស់សមត្ថកិច្ចគឺធ្វើបានតែមួយរយៈហើយក៏គ្មានប្រសិទ្ធភាពផងដែរ។ ប្រភពដដែលបានបញ្ជាក់ថា ជនល្មើសភាគច្រើនជាជនជាតិយួននិងចាម ហើយពួកគេក៏មិនសូវខ្លាចញញើតសមត្ថកិច្ចខ្មែរទេ ពិសេសគឺជនជាតិយួនដែលបានយកលុយទៅសួកប៉ាន់មន្ត្រីខ្មែរជាថ្នូរនឹងការមិនបង្ក្រាប ឬឲ្យដំណឹងជាមុនពេលមានសមត្ថកិច្ចចុះបង្ក្រាប។
ប្រជាពលរដ្ឋខ្មែរនៅស្រុកស្អាង បានបញ្ជាក់ថាអ្នកនេសាទខុសច្បាប់ភាគច្រើនជាជនជាតិយួន ហើយសមត្ថកិច្ចខ្មែរនៅស្រុកស្អាងនិងស្រុកកោះធំ ដូចជាមិនសូវហ៊ានជាមួយជនជាតិយួនប៉ុន្មានទេ តែបើប្រជាពលរដ្ឋខ្មែរវិញ សមត្ថកិច្ចមិនខ្លាចញញើតក្នុងការបង្ក្រាបនោះទេ។ ប្រភពដដែលបានបញ្ជាក់ថា ជនជាតិយួនដែលរស់នៅលើដីខ្មែរបាននេសាទខុសច្បាប់ ហើយយកត្រីទាំងនោះទៅលក់នៅតាមទីផ្សារដែលមានជនជាតិយួនដូចគ្នាចាំទិញនៅតាមទីផ្សារនានាក្នុងខេត្តកណ្តាល និងក្នុងរាជធានីភ្នំពេញ។
ជុំវិញបញ្ហាខាងលើនេះមន្ត្រីរដ្ឋបាលជលផលខេត្តកណ្តាល ម្នាក់បានបង្ហើបថាមិនមែនសមត្ថកិច្ចមិនបង្ក្រាបនោះទេ តែវាមានបញ្ហាខ្លះដែលក្នុងនោះគឺមន្ត្រីជំនាញមួយចំនួនទទួលលុយបង់ខែ ឬបង់ផ្តាច់ក្នុងមួយរដូវនេសាទពីជនល្មើសទើបពិបាកបង្ក្រាប។ បឋម
