នៅក្នុងកិច្ចប្រជុំគណៈរដ្ឋមន្រ្តីនាព្រឹក ថ្ងៃទី ២៦ ខែមីនា ឆ្នាំ២០១០ សម្តេចអគ្គមហាសេនាបតីតេជោ ហ៊ុន សែន នាយក រដ្ឋម ន្រ្តី នៃព្រះរាជាណាចក្រកម្ពុជា បានចេញបទបញ្ជាដ៏ម៉ឺងម៉ាត់ឲ្យស្ថាប័នមាន សមត្ថកិច្ចថ្នាក់ជាតិ និងថ្នាក់តំបន់ សហ ការ គា្ន ដោយ ត្រូវចុះធ្វើការ ស្រាវជ្រាវនូវគ្រប់ករណី ឈើដែលបានរកឃើញដើម្បីស្វែងរក និងចាប់ខ្លួនអ្នកប្រព្រឹត្ត និងមេខ្លោង និងអ្នក ពាក់ព័ន្ធ យកមកផ្តន្ទាទោសឲ្យបាន ដោយគ្មានការលើកលែង មិនថាអ្នកនោះមានកម្រិតថ្នាក់ណា ឬពាក់ព័ន្ធនឹង បណ្តាញ ណាមួយទេ? ព្រោះការបង្រ្កាប អ្នកប្រព្រឹត្តបទល្មើសព្រៃឈើ គឺជាការបង្រ្កាបក្រុមទុច្ចរិត ដែលអាចចាត់ទុកថា ជា អំពើក្បត់ជាតិ មិនអាចយោគយល់ និងដកថយបានឡើយ ។
លោក ម៉ុម សារឿន ជាអភិបាលនៃគណៈអភិបាលខេត្ត ស្ទឹងត្រែង ជាមន្រ្តីនគរបាល យុត្តិធម៌ ជាអ្នកបម្រើរាស្រ្ត ខ្មែរម្ចាស់ អំ ណាច ដ៏ស្មោះ ត្រង់បំផុត ក្រោមការដឹកនាំ សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាច ក្រក ម្ពុជា។ចំពោះមន្រ្តីនគរបាលយុត្តិធម៌រូបណា ដែលប្រព្រឹត្តបំពានច្បាប់ មិនអនុវត្តត្រឹមត្រូវតាមច្បាប់ នោះនឹងទទួល បណ្តាសារដ៏ ធ្ងន់ធ្ងរ មានចែងក្នុងសម្បថផ្លូវការ ពីបារមីព្រះអង្គដ៏ស័ក្តិសិទ្ធិដែលមាន ព្រះអង្គដងកើ ព្រះអង្គក្រពុំឈូក ព្រះអង្គស្វេតច្ឆត្រ ព្រះអង្គចេកព្រះអង្គចម លោកតាឃ្លាំងមឿង លោកតាក្រហមក លោកតាដំបងដែក លោកយាយទេព ព្រះអង្គវិហារសួគ៌ លោកតាដំបងក្រញូង និងព្រះអង្គវត្តទួលស្លែងជាដើមគឺ៖ វិនាសរលាយ ឲ្យស្លាប់តៃហោងដោយ គ្រាប់កាំ ភ្លើង រន្ទះបាញ់ រថយន្តម៉ូតូបុក ខ្លាខាំពស់ចឹក លុះអនាគតជាតិព្រាត់ប្រាស់និរាស ឪពុកម្តាយ កូនចៅខ្ចាត់ព្រាត់ អស់រាប់ រយជាតិ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់មានប្រសាសន៍ជាសាធារណៈ ហើយថា សម្តេចតេជោ ត្រូវការតែមន្ត្រីប្រភេទគ្រាប់ល្ពៅទី៤ ក្រៅពីនេះសម្តេចតេជោ មិនត្រូវការឡើយ។ ជាពិសេសគឺ មន្ត្រីគ្រាប់ល្ពៅប្រភេទទី១តែម្តង ជាមន្ត្រីដែលអាក្រក់បំផុត បើតាមចិត្តខឹងវិញគួរតែ “សេះ៥បំបែកសាកសព”ទើបត្រូវ ។សម្តេចអគ្គមហាសេនាបតីតេជោ ហ៊ុន សែន បានថ្លែងទៅ កាន់សមាជិក សមាជិក របស់គណបក្សប្រជាជនកម្ពុជាថា គ្មានគណបក្សណាមួយ ឬអង្គការសង្គមស៊ីវិលណាមួយ ឬមនុស្សណាម្នាក់ ទោះកំពុងស្ថិតនៅក្នុងឋានៈនាទីណាក៏ដោយ អាចស្ថិតនៅក្រៅរង្វង់ច្បាប់បានឡើយ អ្នកប្រព្រឹត្តកំហុស ទោះជារូបវន្តបុគ្គល ឬនីតិបុគ្គល ត្រូវតែទទួលទោសតាមច្បាប់ ព្រោះកម្ពុជានីតិរដ្ឋ និងជារដ្ឋដែលមានអធិបតេយ្យពេញលេញ។នៅក្នុងវេទិកាជាតិលើកទី២ ស្តីពីការការពារ និងអភិរក្សធនធានធម្មជាតិ នាថ្ងៃទី២២ ខែសីហា ឆ្នាំ២០១៧ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ថ្លែងបញ្ជាក់ថា ៖ «កាប់បំផ្លាញព្រៃឈើណាមួយ វាមិនខុសពីការកាប់ក្បាលខ្ញុំព្រះករុណាខ្ញុំនោះទេ។ អញ្ចឹងបានជាខ្ញុំករុណាខ្ញុំ ស្អប់ណាស់ អាមនុស្សកាប់ឈើនេះ បំផ្លាញព្រៃឈើនេះ។ នៅពេលប្រជុំគណបក្ស ខ្ញុំករុណាខ្ញុំ តែងរំឭកហើយ ថាកុំឲ្យមានការអត់អោនជាមួយអ្នកប្រព្រឹត្តអំពើអានាធិបតេយ្យ អំពីបញ្ហាកាប់បំផ្លាញព្រៃឈើ ទោះបីអ្នកនោះមានឋានៈស្អីក៏ដោយ»។សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានមានប្រសាសន៍ថា៖ “ប្រសិនបើវាជា…គ្រឿងញៀន វាពិបាកចាប់ខ្លួន។ ពួកគេលាក់គ្រឿងញៀនក្នុងហៅប៉ៅរបស់ពួកគេ ។ប៉ុន្តែឈើ ពួកគេដឹកតាមឡាន ហើយយើងមានភ្នែករាប់លានមើលឃើញ”។សម្តេចតេជោ បានបន្ថែមថា៖ “តើភ្នែករបស់យើងទៅណាអស់ហើយ? ហេតុអ្វីបណ្តោយឲ្យដឹកឈើ? វាបំផ្លាញព្រៃឈើនិងបំផ្លាញផ្លូវថ្នល់”។បច្ចុប្បន្ននេះក្រុមឈ្មួញជញ្ជូនឈើចេញទៅស្រុកយួនតាមច្រកព្រំដែនត្រពាំងស្រែ-វ៉ាលឺ ស្រុកស្នួល ខេត្តក្រចេះដែលគេស្គាល់ច្បាស់គឺមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យបានដឹកឡើងកក្រើកចៅហ្វាយខេត្តក្រចេះនិងស្ទឹងត្រែង។ ប្រភពបានឲ្យដឹងទៀតថាមេឈ្មួញ ឧកញ៉ា ជ័យ បានកាប់ឈើនិងដឹកជញ្ជូនឈើចេញពីស្រុកសេសាន ខេត្តស្ទឹងត្រែង ចូលខេត្តក្រចេះ ដោយប្រើប្រាស់រថយន្តយីឌុបជាច្រើនគ្រឿងខណៈមន្ត្រីជំនាញ ឬសមត្ថកិច្ចពាក់ព័ន្ធបានទទួលផលប្រយោជន៏។ ឈ្មួញតូចតាចខ្លះបានបង្ហើបឲ្យដឹងថាមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យ មានខ្នងបង្អែករឹងមាំទើបមន្ត្រីជំនាញ និងសមត្ថកិច្ចតាមដងផ្លូវមិនហ៊ានប៉ះពាល់ បានត្រឹមតែយកលុយតិចតួចប៉ុណ្ណោះ។ប្រភពីសកម្មជនព្រៃឈើបានឲ្យដឹងថា កន្លងមកក្រោមយីហោក្រុមហ៊ុន ហួត ម៉េងរីតា គឺមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យ បានកាប់ឈើនិងដឹកជញ្ជូនឈើជិត២០ឆ្នាំចេញពីស្រុកអន្លង់វែង និងស្រុកត្រពាំងប្រាសាទ ខេត្តឧត្ដរមានជ័យ ធ្វើឲ្យព្រៃឈើក្នុងស្រុកទាំង២នេះ ត្រូវប្រឈមនឹងសេចក្ដីវិនាស។ បច្ចុប្បន្នមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យ កាប់ឈើនិងដឹកជញ្ជូនឈើចេញពីស្រុកសេសាន ខេត្តស្ទឹងត្រែង គគ្រឺកគគ្រេងហើយមានការឃុបឃិតពីមន្ត្រីអាជ្ញាធរ មន្ត្រីជំនាញ និងសមត្ថកិច្ចពាក់ព័ន្ធជាច្រើនស្ថាប័នទើបអ្វីៗអាចប្រព្រឹត្តទៅដោយរលូនបាន។ មន្ត្រីអាជ្ញាធរមូលដ្ឋានក្នុងស្រុកសេសាន បានឲ្យដឹងថា បច្ចុប្បន្នតំបន់បាតអាងទំនប់វារីអគ្គិសនីសេសានក្រោម២ គ្មាននៅសេសសល់ឈើសម្រាប់កាប់ធ្វើអាជីវកម្មតទៅទៀតទេ ហើយឈើដែលមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យ ដឹកជញ្ជូនទៅស្រុកយួនគឺជាឈើដែលកាប់ចេញពីព្រៃការពារនិងព្រៃអភិរក្សនៅក្រៅតំបន់បាតអាងទំនប់វារីអគ្គិសនីសេសានក្រោម២។ប្រភពពីសមត្ថកិច្ចតូចតាចក្នុងស្រុកសេសាន ខេត្តស្ទឹងត្រែង បានឲ្យដឹងថាមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យជាឈ្មួញក្បត់ជាតិ កំពុងបំពានកាប់ឈើនៅក្រៅតំបន់ទំនប់វារីអគ្គិសនីសេសានក្រោម២ ហើយដឹកចូលបរិវេណទំនប់វារីអគ្គិសនីដើម្បីឲ្យក្លាយជាឈើស្របច្បាប់ រួចដឹកជញ្ជូនចេញទៅស្រុកយួនយ៉ាងរលូន។ មួយរយៈកន្លងទៅនេះមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យ ប្រើប្រាស់រថយន្តយីឌុបធំៗដឹកឈើចេញទៅស្រុកយួនតាមច្រកត្រពាំងស្រែ ស្រុកស្នួល ឡើងពេញបន្ទុករហូតដល់មានករណីរថយន្តយីឌុប១គ្រឿងត្រូវក្រឡាប់នៅលើផ្លូវលេខ៧៤ ភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ ទៀតផង។ មន្ត្រីជំនាញ និងសមត្ថកិច្ចក្នុងខេត្តស្ទឹងត្រែង និងខេត្តក្រចេះ ត្រូវបានប្រជាពលរដ្ឋទូទៅរិះគន់ថា ហ៊ានបង្ក្រាបតែប្រជាពលរដ្ឋដឹកអុស និងដឹកជន្លង់ម្រេចប៉ុណ្ណោះ ។ចំណែកមេឈ្មួញ ម៉ឹក សុផាន់ណារ៉េត ហៅឧកញ៉ា ជ័យ មិនឃើញមានសមត្ថកិច្ចចម្រុះណាហ៊ានចាត់វិធានការបង្ក្រាបឡើយបានត្រឹមដាក់កញ្ចប់ប្រចាំខែ ប៉ុណ្ណោះ។រាល់ការប្រតិកម្មអង្គភាពយើងរង់ចាំឆ្លើយតបរាល់ម៉ោងធើ្វការ៕បឋម
