ប្រភពពីសមត្ថកិច្ចពាក់ព័ន្ធ មួយចំនួនបានឲ្យដឹងថាលោក គឹម ឈុនលី នាយខណ្ឌរដ្ឋបាលព្រៃ ឈើខេត្តត្បូងឃ្មុំ មានដាក់កូន ចៅព ង្រាយតាមប៉ុស្ដិ៍ជជុះច្រើនកន្លែង ដើម្បីគាបយកលុយពីក្រុម ឈ្មួញដឹកជញ្ជូនឈើចេញ ទៅស្រុកយួន។ មនុស្ស ដែលលោក គឹម ឈុនលី ប្រើឲ្យឈរជើងតាម ប៉ុស្ដិ៍ជជុះទាំងនោះសុទ្ធតែ មានជំនាញខាងបើកបររថយន្ត ប្រដេញតាមរថយន្តដឹក ឈើឲ្យចូលបង់លុយ ហើយជួនការគេកាក់ឃាត់រថយន្តដឹក ឈើរួចដោះលែងវិញស្ងាត់ៗ ដោយគាបយកលុយ បានយ៉ាង ច្រើន។ ប៉ុស្ដិ៍ជជុះដែលលោក គឹម ឈុនលី បង្កើតឡើងគឺផ្ទុយពីបទបញ្ជារបស់លោកនាយករដ្ឋមន្ត្រី ហ៊ុន សែន ដូច្នេះលោក លី ឡេង អភិបាលខេត្តត្បូងឃ្មុំ គួរពិនិត្យឡើងវិញខ្លះផងកុំបណ្ដោយឲ្យលោក គឹម ឈុនលី ធ្វើអ្វីៗស្រេចតែអំពើចិត្តទៀត។ ជាពិសេសលោក វេង សាខុន រដ្ឋមន្ត្រីក្រសួងកសិកម្ម មិនគួរមើលរំលងអំពើពុករលួយរបស់លោក គឹម ឈុនលី មេរដ្ឋបាលព្រៃឈើខេត្តត្បូងឃ្មុំនោះទេ ព្រោះលោក គឹម ឈុនលី ប្រើអំណាចប្រមូលលុយតាមរបៀបពុករលួយដោយគ្មានញញើតអ្វីឡើយ។
រឿងអាស្រូវពុករលួយរបស់លោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំ កំពុងត្រូវបានមន្ត្រីក្រោមឱវាទបើកកកាយជាសាធារណៈដើម្បីឲ្យថ្នាក់ដឹកនាំក្រសួងកសិកម្ម និងអគ្គនាយករដ្ឋបាលព្រៃឈើចាត់វិធានការទប់ស្កាត់ជាបន្ទាន់។ មន្ត្រីរដ្ឋបាលព្រៃឈើតូចតាចនៅក្នុងខេត្តត្បូងឃ្មុំ បានអំពាវនាវឲ្យលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ ពិនិត្យមើលទង្វើមិនប្រក្រតីរបស់លោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំខ្លះផង ព្រោះមន្ត្រីរូបនេះកំពុងប្រើអំណាចប្រព្រឹត្តអំពើពុករលួយដោយគ្មានញញើតអ្វីទាំងអស់។ បើមិនដូច្នេះទេលោក គឹម ឈុនលី ប្រើអំណាចប្រព្រឹត្តអំពើពុករលួយកាន់តែខ្លាំងដោយគ្មានញញើតអ្វីទាំងអស់ ព្រោះលោក គឹម ឈុនលី អាងមានខ្នងបង្អែករឹងមាំនៅក្នុងខេត្តត្បូងឃ្មុំ ចាំជួយការពារគ្រប់ពេលវេលា។
ប្រភពពីមន្ត្រីរដ្ឋបាលព្រៃឈើក្នុងខេត្តត្បូងឃ្មុំ បានឲ្យដឹងថាចៅហ្វាយនាយរបស់ពួកគេគឺលោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំ កំពុងប្រើអំណាចដើម្បីប្រមូលលុយតាមរបៀបពុករលួយដោយគ្មានញញើតអ្វីទាំងអស់។ ប្រភពបានឲ្យដឹងទៀតថាលោក គឹម ឈុនលី បានប្រើមនុស្សម្នាក់ឈ្មោះ ភ័ក្ត្រ ដែលមិនមែនជាមន្ត្រីរដ្ឋបាលព្រៃឈើឲ្យបង្កើតប៉ុស្ដិ៍ជជុះគាបជំរិតយកលុយពីក្រុមឈ្មួញដឹកជញ្ជូនឈើស្រេចតែអំពើចិត្ត។ សូម្បីតែប្រជាពលរដ្ឋដែលរកស៊ីដឹកអុស ដឹកជន្លង់ម្រេចបន្តិចបន្តួចដើម្បីបានប្រាក់ចំណូលចិញ្ចឹមជីវិត ក៏ត្រូវឈ្មោះ ភ័ក្ត្រ គាបជំរិតយកលុយតាមអំពើចិត្តដែរ ព្រោះមានបទបញ្ជាយ៉ាងច្បាស់លាស់ពីសំណាក់លោក គឹម ឈុនលី មេរដ្ឋបាលព្រៃឈើខេត្តត្បូងឃ្មុំ។
សមត្ថកិច្ចពាក់ព័ន្ធដែលស្និទ្ធនឹងលោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំ បានឲ្យដឹងថាឈ្មោះ ភ័ក្ត្រ មិនមែនជាមន្ត្រីរដ្ឋបាលព្រៃឈើនោះទេ ប៉ុន្តែលោក គឹម ឈុនលី បានផ្ដល់តួនាទីឲ្យប្រដេញកាក់រថយន្តដឹកជញ្ជូនឈើគ្រប់ប្រភេទនៅលើផ្លូវជាតិលេខ៧ និងផ្លូវជាតិលេខ៨ ជំរិតយកលុយពីឈ្មួញ។ ពេលខ្លះសូម្បីតែរថយន្តរបស់ប្រជាពលរដ្ឋដឹកអាចម៍មាន់អាចម៍គោទៅដាក់ចំការក៏ឈ្មោះ ភ័ក្ត្រ ជំរិតយកលុយថ្លៃបាយពី៤ម៉ឺនទៅ៦ម៉ឺនរៀលដែរ ដោយអះអាងថាយកទៅឲ្យលោក គឹម ឈុនលី ដែលជាមេរបស់ខ្លួន។ តាមរយៈសកម្មភាពរបស់ឈ្មោះ ភ័ក្ត្រ គឺលោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំ អាចប្រមូលលុយបានយ៉ាងច្រើនយកទៅធ្វើមានធ្វើបានផ្ទាល់ខ្លួន ព្រោះឈ្មួញដឹកជញ្ជូនឈើឆ្លងកាត់គ្រប់ផ្លូវជាតិ និងខេត្តត្បូងឃ្មុំ គេចមិនផុតពីកណ្ដាប់ដៃរបស់លោក គឹម ឈុនលី នោះឡើយ។បឋម
