ប៉ោយប៉ែត ៖ ប្រភពបានឱ្យដឹងទៀតថា ជនរងគ្រោះ ដែលស្លាប់មានឈ្មោះវី បច្ចុប្បន្នជាជាង មាសនៅផ្សារត្រី ហើយក្រោយពី ស្លាប់សាកសពជនរងគ្រោះត្រូវបានក្រុមគ្រួសារដឹកទៅបូជានៅឯស្រុក កំណើត ក្នុងខេត្ដកំពង់ចាម ។ ប្រភពបញ្ជាក់ថា ការដែលរឿងនេះមិនមាន ការបែកធ្លាយ ព្រោះគ្រាដែលក្រុមគ្រួសារជនរងគ្រោះ បម្រុងដាក់ពាក្យប្ដឹងទៅសមត្ថកិច្ចម្ចាស់គ្លីនិកបានសងប្រាក់ ៥ពាន់ដុល្លារដើម្បីបិទការខ្ចរខ្ចាយទៅខាងក្រៅ ។
ប្រភពខាងលើបានឱ្យដឹងដែរថា នៅមុនពេលកើតហេតុជនរងគ្រោះជាជាង មាសរូបនេះបានជិះម៉ូតូចេញពីកន្លែង ផឹកស៊ី ហើយក៏បានជួបគ្រោះថ្នាក់ចរាចរ ដួលបណ្ដាលឱ្យរបួសផ្នែកដៃធ្ងន់គួរសម។ពេលនោះក្រុមគ្រួសារជន រងគ្រោះបាន បញ្ជូនជនរងគ្រោះចូលទៅព្យាបាលនៅ គ្លីនិកមួយនេះ ព្រោះកន្លែងជនរងគ្រោះ ជួបគ្រោះថ្នាក់ចរាចរនៅជិតនឹងគ្លីនិក ។ ពេលចូលទៅព្យាបាល និងវះកាត់ ក្រុមគ្រួសារជនរងគ្រោះបានទាមទារឱ្យ គ្រូពេទ្យចាក់ថ្នាំតេតាណុសដើម្បីជៀសវាងគ្រោះថ្នាក់ ប៉ុន្ដែគ្រូពេទ្យមិនបាន ធ្វើតាមសំណូមពរនោះទេ ។ បន្ទាប់ពី នោះមកក្រុមគ្រួពេទ្យបានចាប់ផ្ដើមវះ កាត់ជនរងគ្រោះ ហើយក៏បណ្ដាលឱ្យជន រងគ្រោះប្រកាច់ស្លាប់បាតបង់ជីវិត ។
ជុំវិញព័ត៌មានគ្រូពេទ្យនៅគ្លីនិកផ្សារ អគ្គៈជ្រកក្រោមផ្ទះសំណាក់ហង្សមាស ព្យាបាលជនរងគ្រោះស្លាប់ខាងលើនេះ លោកឌិត ឌីណា ម្ចាស់គ្លីនិក និងជាមន្ដ្រី ពេទ្យក្នុងមន្ទីរពេទ្យបង្អែកប៉ោយប៉ែតផង នោះបានបដិសេធតាមទូរស័ព្ទនៅរសៀល ថ្ងៃទី១៦ ខែវិច្ឆិកាថា គ្លីនិករបស់លោក មិនមានការវះកាត់អ្នកជំងឺនោះទេ ហើយ ក៏បិទទូរស័ព្ទទៅ ។
ដោយឡែកទាក់ទិននិងព័ត៌មានការព្យាបាលជនរងគ្រោះឱ្យស្លាប់ខាង លើនេះ ដែរ មានសេចក្ដីរាយការណ៍ឱ្យដឹងដែរ ថា កាលពីជាង២ឆ្នាំមុនបុរសជាមេការខារ៉ាអូខេម្នាក់នៅហាងភ្នំមាស ក៏បានស្លាប់ នៅក្នុងគ្លីនិកនេះដែរ បន្ទាប់ពីបុរសរងគ្រោះ មិនស្រួលខ្លួន ហើយចូលទៅចាក់ថ្នាំនៅទីនោះធ្វើឱ្យប្រតិកម្មថ្នាំ ។ ក្រោយពីស្លាប់ គេបានដឹងថា បុរសរងគ្រោះត្រូវបានកម្ម ករគ្លីនិកមួយនេះដឹកសពយកទៅទុក ចោលនៅវត្ដសូរិយារ៉ាមហៅវត្ដថ្មី ។ កាលនោះកាសែតក្នុងស្រុកមួយចំនួន បានចុះផ្សាយករណីមួយនេះ ប៉ុន្ដែគេពុំ ឃើញមន្ដ្រីពាក់ព័ន្ធ ពិសេសប្រធាន មន្ទីរសុខាបាលខេត្ដមានវិធានការទៅលើ គ្លីនិកមួយនេះទេ ៕
