ឥណ្ឌា ៖ មនុស្សយ៉ាងហោចណាស់៩នាក់បានស្លាប់ និងជាច្រើននាក់ទៀត បានរងរបួសក្នុងឧបទ្ទវហេតុឆេះទូរថភ្លើងមួយខ្សែ ដែលធ្វើដំណើរចាកចេញពីទីក្រុង ប៉ុមបៃ ឆ្ពោះទៅកាន់ទីក្រុង Dehradun ភាគខាងជើងនៃប្រទេសឥណ្ឌា កាលពីព្រឹកថ្ងៃទី០៨ ខែមករា ឆ្នាំ២០១៣។ប្រភពព័ត៌មានពីមន្ត្រីជាន់ខ្ពស់ដែលគ្រប់គ្រងវិស័យដឹកជញ្ជូនតាមផ្លូវដែកបានឲ្យដឹងថា នៅក្នុងហេតុការណ៍ដ៏គួរឲ្យរន្ធត់នេះ បានបណ្តាលឲ្យមានមនុស្សស្លាប់និងរងរបួសជាច្រើននាក់ រួមទាំងទូរថភ្លើងចំនួន៣ ត្រូវបានរងការឆេះខូចខាតទាំងស្រុង។ មិនទាន់មានរបាយការណ៍ណាមួយ ដែលអះអាងអំពីមូលហេតុនៃការឆាបឆេះទូរថភ្លើងនេះនៅឡើយទេ ដោយខាងសមត្ថកិច្ចកំពុងតែធ្វើការស្រាវជ្រាវយ៉ាងយកចិត្តទុកដាក់៕
