ប្រភពពីសមត្ថកិច្ចពាក់ព័ន្ធ លើផ្លូវជាតិលេខ៧ និងផ្លូវជាតិលេខ៨ បានឲ្យដឹងថា រហូតមកដល់ពេល នេះយាយញាប់ នៅតែបន្ត ដឹកជញ្ជូនទំនិញពីច្រកដូង ស្រុកមេមត់ ចូលមករាជធានី ភ្នំពេញ យ៉ាងពេញបន្ទុក ព្រោះមន្ត្រីគយប្រ ចាំច្រក ព្រំដែន ក៏ដូចជាមន្ត្រីគយចល័តនៅតាមដងផ្លូវមិនហ៊ានប៉ះពាល់យាយញាប់ នោះទេ។ ហេតុនេះហើយទើបសមត្ថកិច្ចរកឃើញរថយន្តធុនធំរបស់យាយញាប់ ផ្ទុកទំនិញលើសចំនួនកាលពីថ្ងៃទី១១ ខែកុម្ភៈ ឆ្នាំ២០១៨ ពេលត្រួតពិន្យិបច្ចេកទេសយាយយន្តលើផ្លូវជាតិលេខ៦អា មុខសាលាស្រុកមុខកំពូល។ ទោះជាយ៉ាងណាពុំមានមន្ត្រីគយឬសមត្ថកិច្ចពាក់ព័ន្ធហ៊ានត្រួតពិនិត្យទំនិញរបស់យាយញាប់ នោះទេព្រោះការដែលយាយញាប់ អាចឈរជើងរកស៊ីយ៉ាងរឹងមាំក្នុងការនាំចូលទំនិញពីស្រុកយួន គឺដោយសារមានខ្នងបង្អែករឹងមាំចាំជួយការពារច្រើនឆ្នាំមកហើយ។
ក្នុងចំណោមរថយន្តធំៗផ្ទុកលើសទម្ងន់ដែលសមត្ថកិច្ចចាត់វិធានការត្រួតពិនិត្យកាលពីថ្ងៃទី១១ ខែកុម្ភៈ ឆ្នាំ២០១៨ នៅលើផ្លូវជាតិលេខ៦អា ទល់មុខសាលាស្រុកមុខកំពូល ខេត្តកណ្ដាល ត្រូវបានគេដឹងថាមានរថយន្តដឹកទំនិញផ្ទុកលើសទម្ងន់របស់ឈ្មួញឈ្មោះ យាយញាប់ ផងដែរ។ ឈ្មួញឈ្មោះ យាយញាប់ ត្រូវគេស្គាល់ថាជាឈ្មួញល្បីល្បាញខាងនាំចូលទំនិញគេចពន្ធ និងទំនិញបង់ពន្ធមិនគ្រប់ពីស្រុកយួនតាមច្រកដូង ស្រុកមេមត់ ខេត្តត្បូងឃ្មុំ ជាយូរឆ្នាំមកហើយដោយគ្មានមន្ត្រីជំនាញឬសមត្ថកិច្ចពាក់ព័ន្ធណាហ៊ានប៉ះពាល់ឡើយ។ មន្ត្រីគយនៅច្រកដូង ក៏ដូចជាមន្ត្រីជំនាញនិងសមត្ថកិច្ចពាក់ព័ន្ធតាមដងផ្លូវមិនដែលហ៊ានប៉ះពាល់ឈ្មួញឈ្មោះ យាយញាប់ នោះទេព្រោះឈ្មួញម្នាក់នេះមានខ្នងបង្អែកយ៉ាងរឹងមាំ។
ប្រភពពីសមត្ថកិច្ចដែលចូលរួមក្នុងការត្រួតពិនិត្យរថយន្តតទ្រុងនិងតកន្ទុយខុសបច្ចេកទេស ក៏ដូចជាផ្ទុកលើសទម្ងន់នៅចំណុចមុខសាលាស្រុកមុខកំពូល កាលពីថ្ងៃទី១១ ខែកុម្ភៈ ឆ្នាំ២០១៨ បានឲ្យដឹងថា រថយន្តរបស់ឈ្មួញឈ្មោះ យាយញាប់ ដឹកទំនិញលើសចំណុះជាច្រើនតោន។ ក្រោយពេលឃាត់រថយន្តនោះ គឺមានមន្ត្រីគយមកឆ្វែលមើលបន្តិចផងដែរ ហើយក៏វិលត្រឡប់ទៅវិញដោយស្ងាត់ៗតែម្តង ប្រហែលពួកគេដឹងថាជារថយន្តដឹកទំនិញរបស់យាយញាប់ ដែលជាឈ្មួញដ៏មានឥទ្ធិពលច្រើនឆ្នាំមកហើយ។ ផ្លូវជាតិលេខ៧ និងផ្លូវជាតិលេខ៨ ក៏ដូចជាផ្លូវជាតិលេខ៦អា គឺជាផ្លូវដែលយាយញាប់ ដឹកជញ្ជូនទំនិញពីច្រកដូង ស្រុកមេមត់ ខេត្តត្បូងឃ្មុំ ចូលមករាជធានីភ្នំពេញ ហើយកន្លងមករថយន្តដឹកទំនិញរបស់យាយញាប់ តែងផ្ទុកលើសទម្ងន់ក៏ដូចជាតទ្រុងតកន្ទុយខុសបច្ចេកទេសផងដែរ។(មានត)
