ប្រជាពលរដ្ឋបានលើកឡើងថា ល្បែងស៊ីសងដែលកើតឡើងនៅ ចំណុចវាលស្រែ១០០ សង្កាត់អូរចារ ក្រុងបាត់ដំបង គឺជាប្រភព ចំណូលរបស់ មន្ត្រីអាជ្ញាធរនិងសមត្ថកិច្ចពាក់ព័ន្ធ មួយចំនួនដែលគិតគូរតែពីរឿង ផលប្រយោជន៍ផ្ទាល់ខ្លួន ហើយប ណ្ដោយឲ្យបទល្មើសរាលដា ល កាន់តែខ្លាំងថែមទៀត។ ប្រភពពីមន្ត្រីនគរបាលក្នុងស្នងការដ្ឋានន គរបាលខេត្តបាត់ដំបង មួយចំនួនបាន ព្រលយពាក្យថាអ្នកបើកល្បែង ស៊ីសងក្នុងសង្កាត់អូរចារ មានខ្នងបង្អែកធំជាងលោក អ៊ុច សុខុន ស្នងការនគរបាលខេត្តបាត់ដំបង ទៅទៀតទើបលោក អ៊ុច សុខុនមិនហ៊ានបង្ក្រាបតាមតួនាទីរបស់ខ្លួន។ ដូច្នេះថ្នាក់ដឹកនាំក្រសួងមហាផ្ទៃ និងនាយឧត្តមសេនីយ៍ នេត សាវឿន អគ្គស្នងការនគរបាលជាតិគួរពិនិត្យមើលភាពមិនប្រក្រតីខាងលើនេះផង ព្រោះមន្ត្រីអាជ្ញាធរខេត្តបាត់ដំបង និងសមត្ថកិច្ចខេត្តបាត់ដំបងមិនចាត់វិធានការបង្ក្រាបល្បែងស៊ីសងដែលកំពុងកើតឡើង។
ប្រជាពលរដ្ឋរស់នៅក្នុងសង្កាត់អូរចារ ក្រុងបាត់ដំបង ខេត្តបាត់ដំបង បានឲ្យដឹងថា ក្នុងមូលដ្ឋានពួកគាត់ល្បែងស៊ីសងច្រើនប្រភេទកំពុងកើតឡើងយ៉ាងពេញបន្ទុក ហើយអភិបាលក្រុងបាត់ដំបង ក៏ដូចជាលោក ប៉ាង ហៀង អធិការនគរបាលក្រុងបាត់ដំបង មិនចាត់វិធានការបង្ក្រាបដើម្បីឲ្យស្របតាមគោលនយោបាយភូមិ-ឃុំ មានសុវត្ថិភាពទាំង៩ចំណុចនោះទេ។ ចំណែកលោក ងួន រតនៈ អភិបាលខេត្តបាត់ដំបង និងលោកឧត្តមសេនីយ៍ទោ អ៊ុច សុខុន ក៏រក្សាភាពស្ងៀមស្ងាត់ដែរ ក្នុងខណៈដែលល្បែងស៊ីសងកំពុងរាលដាលកាន់តែខ្លាំងជាងមុននៅក្នុងសង្កាត់អូរចារ និងបណ្ដាសង្កាត់ផ្សេងទៀត។ ដូច្នេះហើយទើបប្រជាពលរដ្ឋអំពាវនាវឲ្យនាយឧត្តមសេនីយ៍ នេត សាវឿន អគ្គស្នងការនគរបាលជាតិ ចាត់វិធានការបង្ក្រាបល្បែងស៊ីសងក្នុងក្រុងបាត់ដំបង ជាបន្ទាន់ដើម្បីកុំឲ្យប៉ះពាល់ដល់សន្តិសុខសង្គម។
តាមសេចក្ដីរាយការណ៍ពីប្រជាពលរដ្ឋក្នុងសង្កាត់អូរចារ បានឲ្យដឹងថា ល្បែងបៀអាប៉ោងទ្រង់ទ្រាយធំត្រូវបានគេបើកលេងនៅចំណុចវាលស្រែ១០០ក្នុងសង្កាត់អូរចារ របស់ឈ្មោះ តាល់ និងឈ្មោះ ខន មកបិទបាំងយ៉ាងសុខស្រួល។ ប្រភពបានឲ្យដឹងទៀតថា សមត្ថកិច្ចនិងមន្ត្រីអាជ្ញាធរក្រុងបាត់ដំបង មិនបង្ក្រាបល្បែងស៊ីសងដែលកើតឡើងយ៉ាងរាលដាលនោះទេ ព្រោះពួកគេជាប់ពាក់ព័ន្ធនឹងផលប្រយោជន៍ពីអ្នកបើកល្បែងស៊ីសងជាប្រចាំ។ ប្រការនេះហើយដែលធ្វើឲ្យបទល្មើសផ្សេងៗដូចជា អំពើចោរកម្ម និងបទល្មើសគ្រឿងញៀនរាលដាលយ៉ាងពេញបន្ទុកក្នុងក្រុងបាត់ដំបង ធ្វើឲ្យប៉ះពាល់ដល់សន្តិសុខសង្គម ហើយប្រជាពលរដ្ឋបាត់បង់ភាពកក់ក្ដៅក្នុងការរស់នៅនិងប្រកបរបរចិញ្ចឹមជីវិត។
មន្ត្រីរាជការនិងប្រជាពលរដ្ឋក្នុងក្រុងបាត់ដំបង បានអំពាវនាវឲ្យលោកឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបងនិងលោក មាស សុវណ្ណ មេបញ្ជាការកងរាជអាវុធហត្ថខេត្តបាត់ដំបង ចាត់វិធានការបង្ក្រាបល្បែងស៊ីសងប្រកបដោយប្រសិទ្ធភាពដើម្បីពង្រឹងសន្តិសុខសង្គម។បឋម
