ប្រភពពីក្រុមឈ្មួញមួយ ចំនួនបានឲ្យដឹងថា ការដែលពួកគេអាចនាំចូលទំនិញ គេចពន្ធ ទំនិញបង់ពន្ធ មិនគ្រប់ និងទំនិញ ខុសច្បាប់តាមច្រក ទំនប់រលកយ៉ាងរលូន គឺមានការសម្របសម្រួល ពីសំណាក់លោក នុប សំអាន ប្រធាន ការិយា ល័យគយច្រកទំនប់រលក ដែលគិតតែពីរឿងប្រមូល លុយដាក់ហោប៉ៅ។ មន្ត្រីគយនិងភ្នាក់ងារ គយនៅខេត្តព្រះ សីហនុ បានបញ្ជាក់ថាលោក នុប សំអាន មានខ្នងបង្អែករឹង មាំនៅក្នុងអគ្គនាយកដ្ឋានគយនិ ងរដ្ឋាករកម្ពុជា ទើប ហ៊ានធ្វើអ្វីៗស្រេចតែអំពើចិត្ត ជាក់ស្ដែងលោក គុណ ញឹម ដែលជាមេគយធំបានរក្សាភាព ស្ងៀមស្ងាត់ក្នុងខ ណៈដែល លោក នុប សំអាន កំពុងប្រព្រឹត្តអំពើពុករលួយតាមរបៀបជិះសេះលេងដៃ។ ដូច្នេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មិនគួរបណ្ដែតបណ្ដោយឲ្យលោក នុប សំអាន ប្រធានការិយាល័យគយច្រកទំនប់រលក ប្រព្រឹត្តអំពើពុករលួយយ៉ាងរាលដាលតទៅទៀតទេព្រោះអំពើពុករលួយរបស់លោក នុប សំអាន កំពុងធ្វើឲ្យវិធានការកែទម្រង់ស៊ីជម្រៅនៅក្នុងស្ថាប័នគយក្លាយជារឿងឥតន័យផងដែរ។
ប្រភពពីមន្ត្រីនិងភ្នាក់ងារគយក្នុងខេត្តព្រះសីហនុ មួយចំនួនបានបង្ហើបឲ្យដឹងថា ក្រោយពេលឡើងកាន់តំណែងជាប្រធានការិយាល័យគយច្រកទំនប់រលក រួចមកគឺលោក នុប សំអាន កំពុងខំប្រឹងប្រមូលលុយតាមរបៀបពុករលួយដោយគ្មានញញើតអ្វីទាំងអស់។ រឿងអាស្រូវពុករលួយរបស់លោក នុប សំអាន ប្រធានការិយាល័យគយច្រកទំនប់រលក ក្នុងការឃុបឃិតបើកដៃឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ ត្រូវបានលាតត្រដាងជាបន្តបន្ទាប់។ ក៏ប៉ុន្តែលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានរក្សាភាពស្ងៀមស្ងាត់ទុកឲ្យលោក នុប សំអាន ធ្វើអ្វីៗស្រេចតែអំពើចិត្តហេតុនេះហើយទើបមានការអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធានការទប់ស្កាត់អំពើពុករលួយរបស់លោក នុប សំអាន ខ្លះផងដើម្បីកុំឲ្យមន្ត្រីគយរូបនេះប្រើអំណាចនិងតួនាទីដើម្បីតែផលប្រយោជន៍ផ្ទាល់ខ្លួន។
ប្រភពពីមន្ត្រីគយក្នុងខេត្តព្រះសីហនុ ដែលស្និទ្ធជាមួយលោក នុប សំអាន បានឲ្យដឹងថាលោក នុប សំអាន ចំណាយដើមទុនយ៉ាងច្រើនក្នុងការទទួលបានតំណែងជាប្រធានការិយាល័យគយច្រកទំនប់រលក(អតីតផែសូរជុងហួរ) ហេតុនេះហើយទើបលោក នុប សំអាន ខំប្រឹងស្រង់ដើមយ៉ាងតក់ក្រហល់។ ប្រភពបានឲ្យដឹងទៀតថា ដោយសារតែអំពើពុករលួយរបស់លោក នុប សំអាន ទើបច្រកទំនប់រលក ខ្លាចទៅជាទីកន្លែងដែលឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុក។ អំពើពុករលួយរបស់លោក នុប សំអាន កំពុងធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ ហើយចំណូលទាំងនោះត្រូវធ្លាក់ទៅក្នុងហោប៉ៅរបស់លោក នុប សំអាន និងបក្ខពួកយ៉ាងសុខស្រួលតែម្តង។បឋម
