ប្រភពពីមន្ត្រីមន្ទីរកសិកម្ម ខេត្តកំពង់ធំ បានឲ្យដឹងថា ក្រោយពេលរឿងអាស្រូវពុករលួយ ពាក់ព័ន្ធបទល្មើសព្រៃ ឈើក្នុង ខេត្តកំពង់ធំ ត្រូវបានបណ្ដាញព័ត៌ មាននានផ្សព្វផ្សាយជាបន្តបន្ទាប់ស្រាប់តែ អាជ្ញាធរខេត្តកំពង់ធំ មាន ប្រតិកម្មខ្លាំង ក្លាហើយបានដាក់កំហិតឲ្យអ្នកសារព័ត៌មានទាំងអស់ក្នុងខេត្តកំពង់ធំ ដាច់ខាតត្រូវតែចុះបញ្ជីនៅមន្ទីរព័ត៌មានខេត្តកំពង់ធំ។ ប្រតិកម្មរបស់មន្ត្រីអាជ្ញាធរខេត្តកំពង់ធំ ហាក់ដូចជាមានចេតនាជួយបិទបាំងអំពើពុករលួយរបស់លោក ប៊ុន សុធី នាយខណ្ឌរដ្ឋបាលព្រៃឈើខេត្តកំពង់ធំ និងលោក ធីវ វណ្ណធី ប្រធានមន្ទីរកសិកម្មខេត្តកំពង់ធំ យ៉ាងច្បាស់ក្រឡែតតែម្តង។ ម្យ៉ាងទៀតប្រហែលអាជ្ញាធរខេត្តកំពង់ធំ ជាពិសេសលោក សុខ លូ អភិបាលខេត្តកំពង់ធំ មានជាប់ពាក់ព័ន្ធផលប្រយោជន៍ទៅនឹងបទល្មើសព្រៃឈើនោះដែរ? ទើបខំប្រឹងបិទបាំងបទល្មើសព្រៃឈើដែលកើតឡើងយ៉ាងរាលដាល។
មន្ត្រីរាជការនិងប្រជាពលរដ្ឋព្រមទាំងមជ្ឈដ្ឋាននានាក្នុងខេត្តកំពង់ធំ បានឲ្យដឹងថា ចាប់តាំងពីលោក ប៊ុន សុធី ចូលមកកាន់តំណែងជានាយខណ្ឌរដ្ឋបាលព្រៃឈើខេត្តកំពង់ធំ ជំនួសលោក តឹប ញាតា រួចមកគឺបទល្មើសកាប់ឈើនិងដឹកជញ្ជូនឈើក្នុងខេត្តកំពង់ធំ រាលដាលកាន់តែខ្លាំងជាងមុនទៅទៀត។ ប្រភពពីមន្ត្រីនៃមន្ទីរកសិកម្មខេត្តកំពង់ធំ មួយចំនួនបានបង្ហើបឲ្យដឹងថា ការដែលលោក ប៊ុន សុធី មេរដ្ឋបាលព្រៃឈើខេត្តកំពង់ធំ ហ៊ានធ្វើអ្វីៗតាមអំពើចិត្តគឺមានការឃុបឃិតបើកដៃពីសំណាក់លោក ធីវ វណ្ណធី ប្រធានមន្ទីរកសិកម្មខេត្តកំពង់ធំ និងលោក សុខ លូ អភិបាលខេត្តកំពង់ធំ ផងដែរទើបអ្វីៗអាចប្រព្រឹត្តទៅដោយរលូន។ ជាក់ស្ដែងក្នុងខណៈដែលលោក ប៊ុន សុធី ឃុបឃិតឲ្យឈ្មួញកាប់ឈើនិងដឹកជញ្ជូនឈើខុសច្បាប់យ៉ាងរាលដាល គឺលោក សុខ លូ អភិបាលខេត្តកំពង់ធំ និងលោក ធីវ វណ្ណធី ប្រធានមន្ទីរកសិកម្មខេត្តកំពង់ធំ នាំគ្នាសម្ងំស្ងៀមធ្វើមិនដឹងមិនឮអ្វីទាំងអស់។
ទោះជាយ៉ាងណារឿងអាស្រូវពុករលួយរបស់លោក ប៊ុន សុធី មេរដ្ឋបាលព្រៃឈើខេត្តកំពង់ធំ និងលោក ធីវ វណ្ណធី ប្រធានមន្ទីរកសិកម្មខេត្តកំពង់ធំ គឺជារឿងមិនអាចបិទបាំងបានទេ ព្រោះមជ្ឈដ្ឋាននានាបានឃើញការពិតផ្ទាល់ភ្នែកទៅហើយ។ ជាក់ស្ដែងឈ្មួញជាច្រើននាក់នៅតែអាចកាប់ឈើនិងដឹកជញ្ជូនឈើចេញពីតំបន់ព្រៃឡង់និងតំបន់ព្រៃអង់តែនយ៉ាងពេញបន្ទុក ហើយមិនឃើញមន្ត្រីរដ្ឋបាលព្រៃឈើក្រោមការគ្រប់គ្រងរបស់លោក ប៊ុន សុធី ចាត់វិធានការបង្ក្រាបតាមតួនាទីរបស់ខ្លួននោះឡើយ។ ជាងនេះទៅទៀតករណីអ្នកមានលុយ អ្នកមានអំណាច ទន្ទ្រានកាន់កាប់ដីព្រៃរបស់រដ្ឋនៅស្រុកស្ទោង និងស្រុកសណ្ដាន់ រាប់រយហិកតាបែរជាមេរដ្ឋបាលព្រៃឈើខេត្តកំពង់ធំ និងប្រធានមន្ទីរកសិកម្មខេត្តកំពង់ធំ ធ្វើមិនមិនឮអ្វីទាំងអស់។ បញ្ហានេះគឺជារឿងដែលលោក វេង សាខុន រដ្ឋមន្ត្រីក្រសួងកសិកម្ម និងលោក អ៊ុង សំអាត ប្រធានរដ្ឋបាលព្រៃឈើនៃក្រសួងកសិកម្ម មិនគួរបណ្ដែតបណ្ដោយតទៅទៀតទេ ព្រោះអំពើពុករលួយនិងភាពអសកម្មរបស់លោក ប៊ុន សុធី មេរដ្ឋបាលព្រៃឈើខេត្តកំពង់ធំ ។បឋម
