ខេត្តកំពង់ធំ៖តាមប្រភព ប្រជានេសាទរស់នៅតំបន់ឡូត៍ នេសាទលេខ៦ បឹងទន្លេឆ្មារ ខេត្តកំពង់ធំ គេយកដែន ឡូត៍នេសាទមួយ ភាគប្រគល់ឲ្យសហគមន៍ នេសាទជួយគ្រប់គ្រង និងមួយផ្នែក ទៀតបានបង្កើតជាកន្លែង អភិរក្សជលផល ដើម្បីធ្វើឲ្យផលត្រីកើន ឡើងនិងរីកសាយភាយមកតំបន់ផ្សេងៗ ទៀតនារដូវត្រីពងកូនពិសេស នៅរដូវវស្សា។កា របែងចែកបែបនេះ តាម រយៈ ការលុបឡូត៍នេសាទរបស់រា ជរដ្ឋាភិបាលកន្លងមក។តែផ្ទុយពី ការសង្ឃឹមទុករបស់ប្រជាពលរដ្ឋ ដោយសារតែ មានបុគ្គ ល ហួន ផល ។ប្រជាពលរដ្ឋឲ្យដឹងថាលោកហួនផល ជានាយសង្កាត់រដ្ឋបាលជលផលពាមបាង កំពុងតែបង្កនូវវិនា សសកម្ម លើធនធានជលផលយ៉ាងធ្ងន់ធ្ងរ ដោយគាត់បានឃុបឃិតជាមួយជនល្មើស សម្រួលឲ្យធ្វើនេសាទខុ សច្បាប់គ្រប់ប្រភេទក្នុងឃុំពាមបាងអាណាចក្រគាត់គ្រប់គ្រងដូចជា៖
១/ នេសាទខុសច្បាប់ដោយឧបករណ៍ឆ្នុក អាគុយ អំពូល ដោយទទួលសំណូកពុករលួយ៣០លានរៀលក្នុងរដូវនេសាទឆ្នាំ២០១៦ និង២២លានក្នងរដូវនេសាទ២០១៧កន្លងមកនេះ។
២/ បណ្តែតបណ្តោយឲ្យភ្លើងឆេះព្រៃលិចទឹកខ្ទង់រយហិកតាក្នុងកន្លែងអភិរក្សជលផលបឹងទន្លេឆ្មារ ដើម្បីសម្រួលឲ្យក្រុមជនល្មើសជលផលដាក់របាំងសាច់អួនយ៉ាងអនាធិបតេយ្យរាល់ឆ្នាំ។
៣/ បង្កឲ្យជនល្មើសធ្វើនេសាទក្នុងកន្លែងអភិរក្សជលផលបឹងទន្លេឆ្នារ រួមមាន ឆក់ត្រី អូសឬកាវលៀស អូសអួន រុញជន យាំងកាវនិងសម្រាស់ កំប្លោក រាប់រយដុំនៅតាមដងព្រែក។
៤/ ទទួលសំណូកក្នុងគ្រប់រដូវកាលពីក្រុមជនប្រព្រឹត្តបទល្មើសនេសាទ ពីអ្នកភូមិបាឡត និងភូមិផ្សេងទៀតជាថ្នូរនិងការនេសាទខុសច្បាប់ ដាក់របាំងសាច់អួន រុញជន ឆក់ត្រី និងយាំងកាវមកពីឃុំកំពង់លួង ស្រុកក្រគរខេត្តពោធិសាត់ និងមកពីឃុំឆ្នុកទ្រូស្រុកបរិបូរណ៍ ខេត្តកំពង់ឆ្នាំងជាដើម។
៥/ មានក្នួយៗជាសាច់ញាតិឈ្មោះតុង និងភារម្យធ្វើជាមន្ត្រីកិច្ចសន្យា និងជាអ្នកកាងបទល្មើសឲ្យម៉ែក្មេក ឈ្មោះ(ធី ចិន) និងបងប្អូននៅភូមិពៅវើយដែលតែងតែធ្វើនេសាទក្នុងកន្លែងអភិរក្សជលផល ព្រមទាំងជាអ្នកប្រមូលលុយពីជនល្មើសយកមកឲ្យលោកហួនផលទៀតផង។បច្ចុប្បន្ននេះនៅក្នុងកន្លែងអភិរក្សជលផលបឹងទន្លេឆ្មារ ឃុំពាមបាង ស្រុកស្ទោង ខេត្តកំពង់ធំ មានជនល្មើសធ្វើសកម្មភាពនេសាទរុញជន(រុញស៊ីប)ដោយប្រើសុទ្ធតែម៉ាស៊ីន (ម៉ាស្ដា) កម្លាំង៣៥សេះ ៦ម៉ាស៊ីន និងបួនម៉ាស៊ីននៅពេលយប់យ៉ាងគគ្រឹកគគ្រេងដែលមានពី២០ទៅ៣០គ្រឿង និងរបាំងស្បៃមុងសាច់អួនក្រឡាញឹក ក្នុងពេលនេះមើលទៅដូចជាមិនមែនជាកន្លែងអភិរក្សជលផលតទៅទៀតទេ សកម្មភាពនេះគឺកើតចេញពីការអនុញ្ញាត្ត បើកភ្លើងខៀវពីសំណាក់មន្ត្រីជំនាញប្រចាំការនៅតំបន់ដែលខ្លួនគ្រប់គ្រង ដែលជាថ្នូរនិងលុយកខ្វក់ពុករលួយ របស់លោកហួនផលដែលមានតួនាទីជានាយសង្កាត់។ការនេសាទខុសច្បាប់នេះកើតឡើងយ៉ាងគំហុកនាដំណាក់កាលចុងក្រោយចាប់ពីពាក់កណ្តាលខែមេសា និងខែ ឧសភា ឆ្នាំ២០១៨នេះ។ ចំណែកឯលោក ប៉ែន វណ្ណរិទ្ធ នាយខណ្ឌជលផលកំពង់ធំនាយផ្នែកជលផលផាត់សណ្តាយ ស្ថិតក្នុងសភាពដេកលក់ស្ងាត់ស្ងៀមធ្វើមិនដឹងមិនឮមិនចាត់វិធានការអ្វីទាំងអស់បណ្ដែតបណ្ដោយអោយជនល្មើសធ្វើសកម្មភាពយ៉ាងអនាធិបតេយ្យតាមតែអំពើចិត្ត ប្រហែលបានទទួលសំណែនសើមមាត់សើមចុងអស់ហើយមើលទៅ។ប្រជាពលរដ្ឋសំណូមពរ ដល់លោកសុខ លូ អភិបាលខេត្តកំពង់ធំ និងឯកឧត្តម វ៉េង សាខុន រដ្ឋមន្ត្រីក្រសួងកសិកម្មុរក្ខាប្រមាញ់និងនេសាទ មេត្តាមានវិធានការផ្លាស់ប្តូរមន្ត្រីរូបនេះជាបន្ទាន់ដើម្បីអោយសមស្របទៅតាមអនុសាសន៍ដ៏ថ្លៃថ្លារបស់សម្ដេចតេជោហ៊ុន សែនដែលបានចែងយ៉ាងច្បាស់នៅក្នុងអភិក្រមទាំង៥ចំណុចគឺ៖ មុជទឹក ដុសក្អែល ឆ្លុះកញ្ចក់ ព្យាបាល និងវះកាត់ដើម្បីកាត់សាច់ស្អុយចោលកំទុកនាំរាលដាលដល់គេឯង។ពាក់ព័ន្ធពត៌មានខាងលើនេះអង្គភាពយើ ងបានទាក់ទងទៅ លោក ហួនផ ល និងលោក ប៉ែន វណ្ណរិទ្ធ នៅព្រឹកនេះតែមិនលើកទូរស័ព្ទ។បឋម
