ប្រភពដែលស្និទ្ធនឹង លោក នុប សំអាន បានបង្ហើបឲ្យដឹងថា លោក នុប សំអាន ចំណាយដើម ទុនយ៉ាងច្រើន ក្នុងការទទួល បានតំណែងជាមេគយច្រក ទំនប់រលក ហេតុនេះហើយទើបលោក នុប សំអាន ឃុបឃិតបើកដៃ ឲ្យឈ្មួញធំៗជាច្រើននាក់ ទៀតនាំចូលទំនិញគេចពន្ធ ទំនិញបង់ពន្ធមិនគ្រប់ និង ទំនិញខុសច្បាប់យ៉ាងពេញបន្ទុ កតែម្តង។ ចំណែកលោក គុណ ញឹម ដែលជាអគ្គនាយកនៃអគ្គនាយកដ្ឋានគយនិងរដ្ឋាករ បានរក្សាភាពស្ងៀមស្ងាត់បើទោះបីរឿងអាស្រូវពុករលួយរបស់លោក នុប សំអាន ត្រូវបានបើកកកាយជាបន្តបន្ទាប់យ៉ាងណាក៏ដោយ។
ប្រភពពីមន្ត្រីនិងភ្នាក់ងារគយក្នុងខេត្តព្រះសីហនុ បានឲ្យដឹងថា បច្ចុប្បន្នឈ្មួញមួយចំនួនកំពុងសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ចូលតាមច្រកទំនប់រលក កាន់តែច្រើនឡើងៗធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ ហេតុនេះហើយទើបមានការអំពាវនាវឲ្យលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ចាត់វិធានការទប់ស្កាត់អំពើពុករលួយរបស់លោក នុប សំអាន មេគយច្រកទំនប់រលក ខ្លះផងព្រោះអីលោក គុណ ញឹម ដែលជាមេគយធំមិនហ៊ានប៉ះពាល់លោក នុប សំអាន ដែលកំពុងល្បីល្បាញខាងពុករលួយនោះទេ។ ជាក់ស្ដែងសូម្បីតែប្រេងសាំងគេចពន្ធ និងទំនិញគេចពន្ធច្រើនប្រភេទត្រូវឈ្មួញសម្រុកនាំចូលតាមច្រកទំនប់រលក យ៉ាងគគ្រឹកគគ្រេងហើយលោក នុប សំអាន សប្បាយប្រមូលលុយស្រង់ដើមយ៉ាងសុខស្រួល។
ប្រភពពីភ្នាក់ងារគយនិងមន្ត្រីគយក្នុងខេត្តព្រះសីហនុ បានឲ្យដឹងទៀតថាលោក នុប សំអាន កំពុងឃុបឃិតបើកដៃឲ្យឈ្មួញនាំចូលទំនិញគេចពន្ធនិងប្រេងសាំងគេចពន្ធតាមច្រកទំនប់រលក កាន់តែច្រើនឡើងៗធ្វើឲ្យរដ្ឋត្រូវខាតបង់ចំណូលពន្ធរាប់ម៉ឺនដុល្លារក្នុងមួយខែៗ ហើយជាឈ្មួញដ៏មានឥទ្ធិពលបំផុតប្រចាំទឹកដីខេត្តព្រះសីហនុ។ ឈ្មួញបានសម្រុកនាំចូលទំនិញគេចពន្ធ និងប្រេងសាំងគេចពន្ធមកចែកចាយពេញទីផ្សារក្នុងខេត្តព្រះសីហនុ និងដឹកជញ្ជូនទៅលក់ចែកចាយតាមបណ្ដាខេត្តផ្សេងៗទៀតដូចជា ខេត្តកោះកុង ខេត្តកំពត ខេត្តកំពង់ស្ពឺ និងចូលមកដល់រាជធានីភ្នំពេញ ទៀតផងព្រោះគ្មានសមត្ថកិច្ចណាហ៊ានប៉ះពាល់ឡើយ។
តាមរយៈការឃុបឃិតបើកដៃឲ្យឈ្មួញនាំចូលប្រេងសាំងគេចពន្ធ ក៏ដូចជាទំនិញគេចពន្ធច្រើនប្រភេទយ៉ាងពេញបន្ទុក គឺលោក នុប សំអាន ប្រធានការិយាល័យគយច្រកទំនប់រលកអាចប្រមូលលុយតាមរបៀបពុករលួយបានយ៉ាងច្រើនក្នុងមួយខែៗ។បឋម
