ប្រភពដែលស្និទ្ធនឹង លោក ណុប សំអាន ប្រធានការិយាល័យគយច្រក ទំនប់រលក ក្រុងព្រះ សីហនុ ខេត្តព្រះ សីហនុ បានឲ្យដឹងថា លោក ណុប សំអាន ចំណាយដើមទុនយ៉ាងច្រើន ក្នុងការទទួលបាន តំណែងជា ប្រធានការិយាល័យគយច្រកនេះ ដូច្នេះហើយទើបលោក ណុប សំអាន ខំប្រឹងប្រព្រឹ ត្តអំពើ ពុករលួយដើម្បីស្រង់ដើមដោយគ្មានញញើតអ្វីទាំងអស់។ បើទោះបីរឿងអាស្រូវពុករលួយរបស់លោក ណុប សំអាន ត្រូវបានបើកកកាយជាបន្តបន្ទាប់យ៉ាងណាក៏ដោយ ក៏រហូតមកដល់ពេលនេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា សម្ងំស្ងៀមធ្វើមិនដឹងមិនឮអ្វីទាំងអស់។ សូម្បីតែលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ក៏រក្សាភាពស្ងៀមស្ងាត់ដែរ ក្នុងខណៈដែលរឿងអាស្រូវពុករលួយច្រើនបែបច្រើនយ៉ាងរបស់លោក ណុប សំអាន ត្រូវបានលាតត្រដាងជាសាធារណៈ។
រឿងអាស្រូវពុករលួយរបស់លោក ណុប សំអាន ប្រធានការិយាល័យគយច្រកទំនប់រលក ត្រូវបានបើកកកាយជាបន្តបន្ទាប់យ៉ាងណាក៏ដោយ ក៏លោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងហិរញ្ញវត្ថុ និងលោក គុណ ញឹម អគ្គនាយកគយ សម្ងំស្ងៀមធ្វើមិនដឹងមិនឮអ្វីទាំងអស់។ ដូច្នេះហើយទើបឈ្មួញធំៗសម្រុកនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកទំនប់រលកកាន់តែច្រើនឡើងៗ ព្រោះមានការឃុបឃិតបើកដៃពីសំណាក់លោក ណុប សំអាន ដែលកំពុងល្បីល្បាញខាងពុករលួយ។ សូម្បីតែលោក ឱម យ៉ិនទៀង ប្រធានអង្គភពប្រឆាំងអំពើពុករលួយ ក៏មិនទាន់បើកការស៊ើបអង្កេតទៅលើអំពើពុករលួយតាមច្រើនរូបភាពរបស់លោក ណុប សំអាន មេគយច្រកទំនប់រលកនៅឡើយដែរ។
ថ្មីៗនេះប្រភពពីមន្ត្រីគយក្នុងខេត្តព្រះសីហនុ មួយចំនួនបានបង្ហើបឲ្យដឹងថាលោក ណុប សំអាន ប្រធានការិយាល័យគយច្រកទំនប់រលក ដែលអាងមានខ្នងបង្អែករឹងមាំ កំពុងបន្តប្រើអំណាចប្រព្រឹត្តអំពើពុករលួយតាមច្រើនរូបភាពដោយគ្មានញញើតអ្វីទាំងអស់។ ប្រភពបានឲ្យដឹងទៀតថា ការដែលលោក ណុប សំអាន ហ៊ានប្រើអំណាចប្រព្រឹត្តអំពើពុករលួយឃុបឃិតឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកទំនប់រលក កាន់តែច្រើនឡើងៗគឺដោយសារមានការឃុបឃិតបើកដៃពីសំណាក់មេគយធំៗនៅក្នុងខេត្តព្រះសីហនុ ផងដែរ។ ប្រសិនបើគ្មានការឃុបឃិតជាប្រព័ន្ធទេនោះ គឺលោក ណុប សំអាន មិនហ៊ានឃុបឃិតឲ្យឈ្មួញនាំចូលទំនិញគេចពន្ធ ប្រេងសាំងគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់កាន់តែច្រើនឡើងៗដូចសព្វថ្ងៃនេះឡើយ។
ប្រភពពីក្រុមឈ្មួញដែលនាំចូលទំនិញតាមច្រកទំនប់រលក បានឲ្យដឹងថា មួយរយៈចុងក្រោយនេះលោក ណុប សំអាន និងបក្ខពួកគាបយកលុយលើតុក្រោមតុពីពួកគេកាន់តែច្រើនឡើងៗធ្វើឲ្យពួកគេប្រឈមនឹងការលំបាកកាន់តែខ្លាំង។ ផ្ទុយទៅវិញលោក ណុប សំអាន និងបក្ខពួកបានឃុបឃិតឲ្យឈ្មួញធំៗនាំចូលទំនិញគេចពន្ធ ប្រេងសាំងគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុក ធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ ដូច្នេះលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ដូចជាលោក គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនគួរបណ្ដែតបណ្ដោយឲ្យលោក ណុប សំអាន មេគយច្រកទំនប់រលក និងបក្ខពួកធ្វើអ្វីៗតាមអំពើចិត្តទៀតឡើយ។ ក្នុងចំណោមឈ្មួញដែលនាំចូលទំនិញតាមច្រកទំនប់រលកសព្វថ្ងៃនេះ គឺឈ្មួញឈ្មោះ វិចិត្រ ដែលជាសាច់ញាតិមន្ត្រីជាន់ខ្ពស់ក្នុងក្រសួងការពារជាតិ ធ្វើសកម្មភាពខ្លាំងក្លាជាងគេដោយសារមានការឃុបឃិតពីសំណាក់លោក ណុប សំអាន មេគយច្រកទំនប់រលក។បឋម
