ខេត្តកំពង់ស្ពឺ ៖អ្នករកស៊ីដឹកជញ្ជូនទំនិញ ឆ្លងកាត់តាមផ្លូវជាតិលេខ៣បានរអ៊ូរទាំពីទីតាំងជញ្ជីងថ្លឹងរថយន្ត មួយកន្លែង ទើបនិងបង្កើតថ្មីៗនៅចំណុច ភូមិព្រែកស្រឡែង ឃុំទួលអំពិល ស្រុកបរសេដ្ឋខេត្តកំពង់ស្ពឺកំពុងតែរងការរិះគន់យ៉ាងខ្លាំង ពីប្រជាពលរដ្ឋ ចំពោះសកម្មភាពពុករលួយ ដូចជាការធ្វើស្លាកលេខម៉ូតូ ស្លាកលេខរថយន្ត ដោយនិយមបក្ខពួក ឲ្យមានលក់លេខល្អៗ ដូចជា លេខការ៉េ លេខសាម ជាដើម កំណត់តម្លៃយ៉ាងខ្ពស់។
លោក ហ៊ុន សែន បានព្រមានធ្ងន់ៗអំពីករណីរថយន្តដឹកលើសទម្ងន់ ។ ប៉ុន្តែនៅតាមបណ្តោយផ្លូវជាតិលេខ៣ក្នុងភូមិសាស្ត្រស្រុកបរសេដ្ឋ ខេត្តកំពង់ស្ពឺមានជញ្ជីងថ្លឹងរថយន្តមួយកំពុងធ្វើសកម្មភាពបំពានទៅ នឹងសេចក្តីអំពាវនាវរបស់ប្រមុខរដ្ឋាភិបាល ។ នោះគឺជញ្ជីងថ្លឹងរថយន្តរបស់មន្ទីរសាធារណការនិងដឹកជញ្ជូន ខេត្តកំពង់ស្ពឺដែលកំពុងកាក់កបសំបើមដោយមិនខ្វល់អំពីការហិនហោច រលំរលាយផ្លូវនោះឡើយ ។ទីតាំងជញ្ជីងថ្លឹងរថយន្តនេះកំពុង តែឃុបឃិត បើកដៃឲ្យក្រុមឈ្មួញធំៗ ធ្វើសកម្មភាពដឹកជញ្ជូនទំនិញ ផ្ទុកលើសទម្ងន់បើកឆ្លងកាត់ យ៉ាងអនាធិបតេយ្យ ដោយមិនខ្វល់ពីការខូចខាតស្រុតប្រេះស្រាំផ្លូវជាតិ ដែលទើបនិងកសាងរួចរាល់ថ្មីៗនោះទេ។ បើទោះបីជាផ្ទុកលើសទម្ងន់ ខុសលក្ខណៈបច្ចេកទេសក៏ដោយ ឲ្យតែក្រុមឈ្មួញចូលបង់លុយ ទៅតាមការកំណត់ ឲ្យមន្ត្រីសាធារណការ ដែលប្រចាំនៅទីតាំង ជញ្ជីងថ្លឹងរថយន្តនោះ គឺចប់សព្វគ្រប់ទៅហើយ ចង់រថយន្តដឹកទំនិញ បំផ្លាញផ្លូវជាតិលេខ៣ ឲ្យបាក់ស្រុតប្រេះស្រាំបែបណា ក៏លោក កាន់ ឆាយហុង មិនដែលខ្វល់អ្វីឡើយ គិតតែរឿងប្រមូលលុយយកទៅ ធ្វើមានធ្វើបានផ្ទាល់ខ្លួនតែប៉ុណ្ណោះ។
ជារៀងរាល់ថ្ងៃគេសង្កេតឃើញរថយន្ត ធំៗដឹកទំនិញលើសទម្ងន់ បើកឆ្លងកាត់ជញ្ជីងថ្លឹងរថយន្ត នៅក្នុងស្រុកបរសេដ្ឋបន្តកន្ទុយគ្នា ដូចដែលប្រជាពលរដ្ឋបានអះអាងថា ការដឹកជញ្ជូនទំនិញខុសច្បាប់ និងស្របច្បាប់ដែលសុទ្ធតែ ផ្ទុកលើសទម្ងន់របស់ក្រុមឈ្មួញធំៗ បានធ្វើឡើងនៅពេលយប់ ៕
