ព្រះវិហារ ៖ ដីព្រៃជាច្រើនហិចតា ត្រូវបានគេដឹងថា លោកផ្កាយ២ម្នាក់ដែលមានឈ្មោះស៊ុម ប៊ុនធឿនមេបញ្ជាការរងកងពលធំអន្តរាគមន៏លេខ៣ ទទួលបន្ទុកការិយាល័យការងារអភិវឌ្ឍន៍ កំពុងតែយកគ្រឿងចក្រឈូសឆាយដីព្រៃដាច់កន្ទុយភ្នែកយកជាកម្មសិទ្ធផ្ទាល់ខ្លួន ស្ថិតក្នុងភូមិកំពេញ ឃុំយាង ស្រុកជាំក្សាន្ដ ខេត្ដព្រះវិហារ យ៉ាងអនាធិបតេយ្យ។
បើតាមសេចក្ដីរាយការមកថា លោកឧត្ដមសេនីយ៏ទោ ស៊ុម ប៊ុនធឿន ធ្វើការឈូសឆាយដីព្រៃរៀបរយហិចតានេះ បានយកអំណាចតួនាទី ជាយោធាអង្គភាពមកធ្វើការឈូសឆាយកាប់បំផ្លាញ ព្រៃឈើរាប់រយហិកតា ដើម្បីជាប្រយោជន៏បុគ្គល ពាក់ព័ន្ធនិងករណីខាងលើនេះដែរ គេមិនដែលឃើញអ្នកច្បាប់ណាម្នាក់ ដូចជា រដ្ឋបាលព្រៃ មន្ត្រីអភិរក្សព្រៃការពារ អាជ្ញាធរ ក៍ដូចជាស្ថាប័ណ្ណជំនាញ ហ៊ានចេញមុខមកបង្ក្រាបនោះឡើយ នេះជាអំណាចរបស់លោកផ្កាយ២។
ពាក់ព័ន្ធនិងករណីខាងលើនេះ អង្គភាពសារព័ត៌មាន ជួយខ្មែរ យើងមិនទាន់អាចសុំការបំភ្លឺ ពីលោកឧត្ដមសេនីយ៏ឯក ស្រី ឌឹក មេបញ្ជាការកងពលធំ ក៏ដូចជាលោកឧត្ដមសេនីយ៍ទោ ស៊ុម ប៊ុនធឿន មេបញ្ជាការរងកងពលធំលេខ៣ បានទេនៅព្រឹកថ្ងៃទី០១ ខែឧសភា ឆ្នាំ២០២៣នេះ ដោយអង្គភាពសារព័ត៌មានយើងមិនមានលេខទំនាក់ទំនង ។
អង្គភាពសារព័ត៌មានអង្គភាពសារព័ត៌មាន ជួយខ្មែរ ក៏ដូចក្រុមការងារយើងនិងរង់ចាំការស្រាយបំភ្លឺពីសាម៉ីជនដែលពាក់ព័ន្ធក្នុងសាច់រឿងនេះរាល់ម៉ោងធ្វើការស្ដីពីរបបសារព័ត៌មាន ៕
